【渡輪】疫情嚴峻 天星小輪減班再閂下層

因為新型冠狀病毒（武漢肺炎）肆虐，提供香港港內渡輪服務嘅老牌公司天星小輪早喺2022年1月跟從香港政府防疫禁令，停止「天星維港遊」。

其後政府多番收緊防疫政策，再次引用「2人限聚令」、「禁止晚上6時後提供堂食」、「強制多種娛樂及生活服務處所關閉」等，令入夜後香港市面杳無人跡，天星小輪因應客量暴跌，2022年2月下旬開始縮減班次以及服務時間，由2月28號會跟以下時間表提供服務：

而由於喺運作上，天星小輪嘅船長同栓繩嘅水手都喺渡輪下層客艙工作，為咗減少同公眾人士接觸以降低感染風險，天星小輪公佈會暫時關閉中環←→尖沙咀航線嘅渡輪下層客艙。

然而，天星小輪表示，乘客只係需要繳付下層客艙較低廉嘅船費，就可以去上層客艙搭船。

對於一間默默貢獻香港嘅老牌公共交通機構，多年嚟以遠低過合理水平嘅收費提供服務，面對艱難時刻仍然儘力維持運作，著實應該令香港唔少公司無地自容。