【急到瀨？】 巴士剷埋去廁所 上層一忽就無咗

當值時間11月4號下晝，英格蘭東約克郡罕恩斯海濱大道發生一宗巴士意外。

當時一架東約克郡巴士畀車長揸到去一個公共洗手間出面嘅時候，應該係車長攞得太埋路邊，搞到巴士左邊上層同公共洗手間突出嘅簷篷邊撞埋一齊。

雙層巴士上層左方車頭損毀，部分金屬部件折斷，最少兩幅玻璃碎裂，玻璃碎跌到一地都係。幸好當時巴士上並無乘客，而咁撞完亦無引致任何人受傷。

巴士公司嘅發言人接受當地網媒查詢嘅時候表示，現時嗰架巴士已經暫時脫離服務，入廠維修，公司會作出深入調查，研究起因，涉事嘅巴士車長亦將會被召見。