【無鐵生活】唔搭鐵路返放工 渡輪調班為公眾

香港，除咗地鐵或者巴士可以跨過維多利亞港兩岸，連接香港島同九龍區之外，港內線渡輪仍然肩負起接載市民過海嘅任務。

喺過去呢幾個月，隨著港鐵轉成党铁，多次不顧市民安危，並且肆意提早結束服務，令香港唔少市民放棄乘搭。然而過海巴士服務經多年「被刪減」，依家未必能夠一下子鯨吞原本乘搭鐵路嘅客量，渡輪就成為咗過海市民嘅一條「救命草」。

港內線渡輪除咗為人熟悉嘅天星小輪之外，其實喺香港維多利亞港東部、連接東九龍及港島東區係仲有珊瑚海船務有限公司提供嘅來往觀塘同西灣河渡輪服務。

隨著近年觀塘商貿區急劇發展，加上市民開始發掘港鐵以外過海路線，珊瑚海呢一條過海小輪路線客量有所上升，返工時間班次已經加密到15分鐘一班。

為咗方便市民返屋企，珊瑚海亦都順應客量改變，調整咗放工時間嘅班次，務求能夠令香港市民有多一個舒適、安全嘅過海選擇。

唔搭鐵路唔使死，渡輪一樣幫到你。