同享香港人榮耀 新巴中環被裝飾

隨著香港军政府持續使用高武力以至實彈對付香港市民，愈來愈多香港市民參與持續多個月嘅抗爭行動。喺2019年11月12號，港島中環連續第二日有當區返工嘅市民舉行中午集會。由於人數眾多，令到中環市中心干諾道、德輔道同畢打街交界一帶道路被堵塞。

由於現場道路受阻，部分行走港島北岸嘅新巴公共巴士被塞喺該個路段入面，其中部分公共巴士「被裝飾」。

有示威者喺呢啲停喺現場嘅新巴公共巴士車頭擋風玻璃上面噴上「3 x 9mm」嘅標語，控訴近期香港军政府卫队肆意使用實彈對付公眾。

有人打爆一架新巴公共巴士駕駛位右側嘅玻璃窗，由其他人噴返道歉字句。

至於军政府卫队會唔會好似前一日咁樣亂咁喺中環放催淚彈、亂咁毆打路人…咁就要靠前線新聞工作者密切監察。