網傳車長中武肺 公司通告話唔係

是咁的，2020年2月26號下晝，九巴1名去過南韓嘅巴士車長因為發燒而去荔枝角車廠醫療中心求診。

因應現時新型冠狀病毒（武漢肺炎）肆虐，加上南韓係「重災區，醫療中心唔敢鬆懈，立即通知政府衛生部門處理，將求診巴士車長轉送瑪嘉烈醫院作進一步檢查。

不過咁…網絡上好快就傳出求診巴士車長被確診新型冠狀病毒（武漢肺炎），網民仲言之鑿鑿咁話某羅姓著名巴士迷有過近距離接觸，仲出埋成張清單話嗰位巴士車長之前揸過邊架巴士… （⊙＿⊙）

聽落好大件事咁…但點解唔見記者圍住九巴荔枝角車廠影大清潔、大消毒嘅？

原來…

根據九巴職員關係及福利服務部喺2020年2月27號發出嘅通告，醫院嘅新型冠狀病毒（武漢肺炎）快速測試結果係陰性，現階段無感染跡象。

大家可以冷靜啲…但都要記得戴好口罩、洗好手…