九巴鐵甲突起火 窩打老道路受阻

2020年4月15號朝早大約9點半，九巴旗下一架行緊281A號路線嘅丹尼士E500雙層巴士（車隊編號：ATE34，車輛登記：KZ9314），沿窩打老道向尖沙咀方向行駛，去到近浸會醫院突然冒煙起火。

網絡社交媒體上流傳嘅照片顯示巴士車尾冒出熊熊火焰，消防接報後亦迅即派出升降台消防車到場，消防員開喉滅火。

受今次燒巴士影響，窩打老道近浸會醫院只可以右轉入歌和老街，上址交通嚴重受阻，龍尾開始塞返入獅子山隧道。

事件擾攘近兩句鐘，路面到近11點半先至全面重開。