2020年8月11號朝早8點左右，警方接報紅磡海底隧道口有一架載緊客嘅116號路線「隧巴」被劫走，驚動埋工會，其後就話只係「一場誤會」…背後詳情可以睇返當日突發組嘅報道：
話說出咗篇報道之後，喺網絡社交媒體專頁嗰邊有少少「炎上」嘅討論：
然後，有同工就傳嚟訊息，想提供多一啲故事背景資料：
究竟係講緊邊一單嘢呢？原來早就喺YouTube有市民貼咗出嚟…
如果呢位九巴巴士車長係為咗重大嘅工會利益甚至係公眾利益，所以佢用工業行動去希望得到社會大眾傳媒嘅關注，本質上確實情有可原、無可厚非…正如當日為咗爭取巴士業界同工有合理薪酬待遇工業行動嘅「月薪車長大聯盟」葉蔚琳等人，同樣得到一眾巴士乘客支持。
但係如果只係為咗一啲個人嘅私利或者純粹同工之間「吞唔落啖氣」，甚至係「要覺得好威威」，就擅自罔顧一眾巴士乘客可以準時乘搭巴士到達目的地嘅權利，其實即係丢低咗作為一名服務公眾嘅公共巴士車長應有嘅義務，某程度上亦係以乘客為「人質」籌碼，咁嘅行為又係咪值得呢？
希望工會嘅人都要明白：佢哋嘅一言一行，同其他同工一樣，其實都好影響到公眾點樣看待整個巴士業界嘅從業員…
