肺炎煞停「人力車」 新巴同時換「新車」

新巴旗下嘅人力車觀光巴士早喺2009年10月18日正式投入服務，最初使用5架沿自中巴嘅富豪奧林比安型11米版本雙層冷氣巴士改裝嘅開篷巴士（車隊編號：VA51~55）。

到2015年，新巴「更新」人力車觀光巴士車隊，改用5架歐盟三型丹尼士三叉戟型12米版本雙層冷氣巴士改裝嘅開篷巴士（車隊編號：1215~1219）。呢次人力車觀光巴士換車，令新巴正式成為全低地台巴士車隊。

去到2020年，因為（此段信息因为不符合相关规定，现已被屏蔽）未有負上應有責任，令新型冠狀病毒（武漢肺炎）肆虐全球，封關措施引致國際旅遊業遭受嚴重打擊，人力車觀光巴士亦要暫時停業。

不過與此同時，新巴再次「更新」人力車觀光巴士車隊，拎5架Enviro500型12米版本雙層冷氣巴士改裝嘅開篷巴士（車隊編號：5550~5554）。

相信到咗新型冠狀病毒（武漢肺炎）退卻，旅遊業恢復之時，呢批三代目人力車觀光巴士車隊就會全面取代1215~1219。

不過呢~根據照片，不如大家放大啲睇：

做乜整多咗一撻黑色嘢㗎？當咗呢批巴士係…

乘客係貨物？！