進智公交 (HKEX:0077) 經營嘅港島區54M 專線小巴 (瑪麗醫院-堅尼地城) 有一部 Optare Solo M790 「低地台『小巴』」，但今年7月13日開始「需緊急回廠維修」直至另行通知
on 15 October 2021 at Queen Mary Hospital
壞乜就無人知，不過正如行內口頭禪術語「唔係豐田一定無零件」「要訂貨起碼等三個月」，但呢張通告係張貼咗三個月後嘅10月15日，估計都可能「病情相當嚴重」。
一個多星期前，本台已經得知呢部 Optare Solo 已經復出，但只得「猶抱琵琶半遮面」，姑且獻吓醜。
但今晚就清楚影到「全相」，就同大家公諸同好一吓。
至於响沙田嘅另一部？據報繼續擺字。但本台早前影片節目介紹嘅 平治 Sprinter EVM 低地台小巴，據報剛通過運輸署年度驗車，仍會繼續如常行走。
與其等Optare Solo 唔知幾時又話要做廠長，不如重溫返呢集節目好過 (點擊下面張圖就有得睇)
